-
{{ item.quantity }}
Lexuma XSim - iPhone專用藍牙雙卡神器
打破界限
令你既iPhone每次出門都緊貼你既步伐
出外旅遊袋住兩部電話好麻煩，但自己用iPhone 又冇得雙卡，唔通真係冇方法？
今次要介紹既呢件神器，大細同張八達通差唔多，但功能就絕對唔少野！
既然咁多功能咁小編都唔講咁多廢話，即刻為大家介紹！
Lexuma XSim係一件提供比 iPhone用家產品，只要你既iPhone 支援iOS 8.0或以上版本就用得。用家係無須換卡及多帶一部手提電話既情況下享用雙卡服務、增加效率，令你每次外遊都更舒適。
好，我地正式開箱啦！
其實只要揭開包裝封面就可以睇到成隻XSim。
打開之後可以見到XSim一隻、說明書一本、Micro USB充電線一條同Sim Card針一支，總共四樣野。
為左令大家更清晰了解XSim既操作，以下落嚟小編會將XSim既使用說明分為九部分同大家進行介紹！
啟動XSIM
首先當然係示範一下點樣啟動XSim。
我地先由最初設置開始，第一樣野要做既就係去Apps Store下載並安裝”SIMPlus”呢個應用程式。
之後我地可以攞出Sim Card針，係圖示位置插入
然後放入Sim Card 卡槽，插返入去。
放返入去之後，㩒實開關制3秒鍾左右，LED燈就會發出閃閃下既綠光。
跟住開著iPhone既藍牙，同啱啱下載既”SIMPlus”。
係”SIMPlus”入面，入去”More”個主頁面，之後揀”Connection”，㩒右上角"Refresh" 圖示，最後㩒”Click to start scan”。
一旦SIMPlus搵到你既XSim，佢就會出現係介面上，之後當然係連接佢啦！ 連接成功後，綠色LED燈就會熄左。
*提提你：
係"SimPlus" App 入面界面左上角顯示既係自己既網絡台號和信號強度；右上角就係XSim電池電量。而XSim都支援多種語言，包括中文，大家使用既時候可以揀返自己想睇到既語言架！
取消連接
如果想取消連接XSim，可以分為兩個方法：
第一個方法就係直接熄XSim，只要好似開機咁，長㩒開關制3秒鍾左右，XSim就會取消連接同熄機。
第二個方法就係SIMPlus入面，去”More”，之後揀”Connection”，最後㩒”disconnect”就可以取消連接喇！
幫XSIM充電
首先用Micro-USB充電線插入XSIM既充電口入面。
之後將Micro-USB充電線插去你任何既USB供電源（例如電腦、有USB插座既拖板或任何USB充電器等等）
當XSim著左紅色LED燈，即係代表XSim已經開始充電。
當LED燈轉做綠色個陣，就代表完成充電。
*整個充電過程大約需要2個鐘頭
啟用防盜功能
冇錯，咁重要既讀卡器當然要有防盜功能啦！只要大家去”MORE”入面既”Settings”，確保"Device lost alarm"開著，咁樣只要XSim同你既Apple裝置超出藍牙連接範圍（7至10米內），iPhone將會響起警示。
打電話
打電話方面，可以用兩個方法：
第一個就係喺SIMPlus入面，用”Keypad”功能以你第二張SIM Card嘅號碼去打出電話。
另一個方法就係用Apple本身內置既iPhone Dialer功能，以第二張Sim Card號碼打電話！方法都好簡單，只要大家係Apple本身內置既Phone Call功能入面揀選一個聯絡人，或任何一個係歷程記錄入面既電話，㩒右邊既”i”字，再長㩒個Ca（相中顯示為Sim Plus制）， 就可以選擇用不同既Sim Card號碼打出電話。
*心水清既果迷可能會諗：
既然App store可以下載 "SIM Plus"，咁用一部有Wi-Fi既iPad去連接XSim，又可唔可以打電話呢？
答案係可以既！只要你既iPad download左"SIM Plus",，照程序啟動XSim，就可以用iPad講電話啦！
收發短訊
打開SIMPlus入面既”Messages”介面，就可以發送同接收第二張SIM Card訊息 。
相機遙控
哈哈，XSim 仲可以支援埋你相機自拍功能架！只要你既XSim同APPLE裝置連接左，再打開SimPlus App入面嘅相機功能，㩒兩下XSim上既開關制就可以用XSim遙控相機！
使用雲端功能
更加強大嘅功能係，如果大家係用XSim時有綁定到雲端，就可以加強保護你既裝置。即使XSim唔係你既身邊，留低左係屋企或者係車度，都可以照常收到來電通知及SMS，仲可以遙距定位返個XSim，係Google Maps 顯示出嚟，非常實用！
而綁定你既帳號到雲端其實都好簡單：
首先打開MORE界面會見到最上係可以Log in 你既個人帳號, 你可以揀選用Facebook/QQ帳號, 或開設一個免費既個人帳號Log in
要使用雲端功能要確保設定好以下三個步驟：
- XSim 内的Sim Card要有數據連接功能
- 已建立Log In帳號
- 在App内綁定帳號到雲端
只要完成以上既三個步驟，就可以使用以下功能：
- 支援定位功能
- 儲存未接來電同XSim既位置消息係雲端，方便用家翻查
- 當XSim電量不足時，會通知雲端
- 如果藍牙連接失效，XSim會將每個未接來電同訊息都放上雲端
如果你遺失左XSim，或藍牙連接失效，只要用手機打去你XSim內既電話號碼，係手機Cloud上面都可以見到XSim所在位置。
LED燈狀態
穩定既綠色＝開/關
閃爍綠色同紅色＝等待同Apple裝置配對
閃爍綠色（每5秒）＝搵唔到Apple裝置／藍牙連接失效
閃爍綠色（每1分鐘）＝已連接Apple裝置
冇燈＝已連接Apple裝置／已關閉
XSim既使用說明就講到呢度。講左咁耐，等小編來個小總結啦！
簡單啲講，呢一張XSim其實就等於你第二部手提電話，係出外旅遊既時候減少麻煩，例如……
- 無需要帶另一部手機黎接收你另一張SIM Card
- 無需要帶尿袋幫兩部手機叉電
- 無需要同步相同電話簿係兩個不同裝置等等
- 無需要兩張Sim Card都有數據（簡單來講，姐係你另一張Sim Card只要打到電話就得，唔需要有數據服務，可以慳服務月費)
相信大家都可以透過呢篇文章理解到XSim係大家外遊個陣為你地帶來既好處。而安全、方便、實用同輕巧正正就係XSim既四大元素！