Good Weather - Scratch Map (Thailand Edition)

Good Weather刮刮地圖(泰國版)

來到泰國版刮刮地圖

未開之前好有一種藏寶圖既感覺呀!

 

打開一睇

連張刮刮地圖既氣氛都唔同啲

呢張睇起上嚟就型格啲

深藍色底襯啡色刮面

好有一種由零開始, 逐一征服每一處既感覺

事不而遲, 等小編即刻刮下比大家欣賞下

 

同日本版一樣

泰國版既地圖除左有板塊可以刮之外

重有三個部份可以比大家刮既

佢地分別係喺泰國必去既地方, 要試既食物, 同可以係泰國做既野

令到成張地圖更加豐富

小編將會同大家每邊都刮開一個

等大家可以睇到刮開後大概係點樣

咁小編今次就揀左港人比較熟悉既曼谷, 同埋入面既北碧府

而野食方面我就揀左椰子南薑雞湯, 同埋小編去泰國必玩既浮潛

刮開小小大家可以睇到

顏色上既風格同日本版完全唔同

用既卡通公仔都多左一種復古既味道

以椰子南薑雞湯, 浮潛同曼谷為例

依然可以睇到每一個刮開左既公仔都做得相當仔細

係顏色上既配塔一啲都唔馬夫

小編另外想講下地圖上設計

用刮左既北碧府為例

大家可以睇到刮開之後

竟然重有當地既著明景點桂河橋

令到刮後既狀態更加豐富

唔知大家有冇留意到

泰國版右下方

有個指南針, 隔離重列出乜野顏色代表邊個方向

原來係地圖版塊既設計上

設計師一早將泰國版圖用顏色來區分地域

我地再以北碧府為例

北碧府位於泰國西部

而西邊對應既顏色係藍色

所以北碧府既背景就係藍色啦

真係一個好有心思既設計喔!

 Good Weather刮刮地圖(泰國版)開箱就到呢度

 

想知多啲關於刮刮地圖, 可以Cilck下連結:

Good Weather刮刮地圖(世界版)

Good Weather刮刮地圖(日本版)

Good Weather刮刮地圖(泰國版)